Despois da última edición celebrada no Sporting Cluib Casino en 2020 (pódese ver no arquivo de febreiro de 2020), voltamos ao noso tradicional torneo de Entroido. Este 2026 retomamos a festa do xadrez e das máscaras, con máis ganas ca nunca.
Nome do torneo: Torneo de Xadrez de Entroido
Data: Martes 17 de febreiro de 2026
Lugar: Sporting Club Casino – Rúa Real, A Coruña – Planta 1
Hora de inicio: 17:00
Hora aproximada de entrega de premios: 19:30
Sistema de xogo
- Roldas: Sistema suízo a 5 roldas
- Desempates: Bucholz -1, Bucholz, Sonneborn-Berger, Progresivo, Enfrontamento particular, Número de vitorias, Número de vitorias con negras
- Ritmo de xogo: 10 + 2
Categorías
- Absoluto
- Sub14
- Sub12
- Sub10
- Sub8
No caso de que algunha das categorías teña menos de 12 participantes, a organización poderá unir unha categoría con outra similar. O número de roldas poderá ampliarse a 6 se o número de participantes dunha categoría supera os 32 xogadores.
Premios
- Trofeos para os tres primeiros de cada categoría.
- Medalla para todas as persoas participantes sub14.
Inscricións
O prazo permanece aberto ata o luns, 16 de febreiro de 2026.
A inscrición realizarase exclusivamente a través do formulario correspondente.
Cota xeral: 5 euros
Cota socios Sporting Casino: Gratis
En caso de algún problema coa inscrición, tedes á vosa disposición o correo asociacion@palaestra.net ou o WhatsApp +34 639 92 93 36.
Temos tamén un Grupo de Whatssapp para esta proba: https://chat.whatsapp.com/H3qt3fy5vBT57riGojAzpD
Ambiente de Entroido
Trátase dun torneo de Entroido, así que recomendamos vivamente que as persoas xogadoras veñan disfrazadas. Non é obrigatorio, pero si moi desexable para encher o salón de cor, humor e espírito festivo. Haberá algunha sorpresa para os disfraces máis orixinais.
Advertencias importantes
1. Seguro e licenza federativa
De acordo coa lexislación vixente, é obrigatorio que cada participante dispoña dun seguro de accidentes. Isto implica contar cunha licenza federativa de xadrez en vigor.
Se algún xogador ou xogadora non está federado/a, debe informarse das opcións dispoñibles na súa escola de xadrez ou escribindo ao correo da organización.
2. Protección de datos e imaxe
As persoas participantes autorizan a publicación dos seus datos persoais nos medios que a organización considere oportunos para a difusión do evento (resultados, clasificacións, listaxes de participantes, etc.), así como a súa presenza nas fotografías realizadas co mesmo fin.
A participación no torneo implica a aceptación destas normas.
Ningún comentario:
Publicar un comentario