Grazas Deputación

Hoxe queremos dar as Grazas á Deputación da Coruña.

A súa axuda xunto ao patrocinio e cesión de local do Centro Comercial Los Rosales, permitirá manter neste 2025 as numerosas actividades de balde que realizamos durante todo o ano.

Isto inclúe dous dos torneos con mais participación da cidade; o de Primavera recentemente realizado e o de Nadal e actividades todas as semanas de setembro a maio e actuacións en todos os periodos non lectivos.

Ademais o local do Centro Comercial serve de espazo de xogo a distintos clubs na Liga Galega de Xadrez ou se deixa para torneos doutras entidades, como teremos este sábado ou houbo hai poucas semanas co Torneo dos veciños do barrio.

Grazas por permitir esta actividade!

Torneo fin de Curso en Casino

A Escola de Xadrez Sporting Club Casino remata o seu curso o vindeiro venres.

Celebraremos o día cun torneo amigable de blitz (5 minutos) aberto a todos os socios; non é necesario asistir á escola.

Celebrarase na sede da Zapateira o venres 20 ás 17:30.

Tras as vacacións de xullo e agosto, esperamos comezar o curso en setembro cun torneo social e a Copa González March.

Semana do 23 de xuño

Na vindeira semana teremos actividades no Centro Comercial Los Rosales as tardes do luns (16,00-19,30), mércores xoves e venres (16,30 a 20,00). En calquera destes días e neses horario poderás vir a botar unhas partidas pero ademais cada día teremos algunha actividade especial.

Imos seguir co xadrez no verán.